Ел басына түскен қиын жағдайдан кейін 11 қаңтар күні президент Қ.К.Тоқаев мемлекеттің даму жолында біршама міндеттемелер жүктелген үндеуін халыққа жариялады.

Ел басына түскен қиын жағдайдан кейін 11 қаңтар күні президент Қ.К.Тоқаев мемлекеттің даму жолында біршама міндеттемелер жүктелген үндеуін халыққа жариялады. Өз үндеуі арқылы еліне үміт сыйлап, үлкен сыннан халқын аман-есен алып шыққан көрегенділігімен еліміздің жаңару кезеңі басталғанын және осы жолда жүзеге асырылуы тиіс маңызды жоспарларды таныстырды.

Ел тағдыры үшін бір тудың астына бірігуге шақырған президент Жаңа Қазақстанды бірге құруға шақырды. Елімізде заманауи Қазақстанды бірге құруда аса дарынды ел басшысының бастамасын “Елім” деген әрбір азаматы тарапынан қолдау табатынына сенімдіміз. Келешекте қазіргідей төтеден келетін қауіптен мемлекетті қорғаудың жалғыз жолы отансүйгіш ұрпақ тәрбиелеу. Бұл міндет білім беру саласындағы әрбір педагогтың міндеті болып қалады және бұл жолда аянбай еңбек етуге дайынбыз. Тәуелсіз еліміздің жаңа жолда өсіп-өркендеуі үшін жұмылған жұдырықтай бірлікте болып,өз үлесімізді қосу азаматтық парызымыз деп санаймыз.